ट्रकच्या धडकेत एका इसमाचा जागीच मृत्यू
कोरपना, – आज संध्याकाळ 6:05 च्या सुमारास कोरपणा येथील गणेश मोड जवळ एका हृदयद्रावक घटनेत एका अज्ञात व्यक्तीचा ट्रकच्या धडकेत जागीच मृत्यू झाला.
पोलिसांनी दिलेल्या माहितीनुसार, ही घटना कोरपना येथे घडली. एक भरधाव वेगात सिमेंट भरलेला ट्रॅक क्रं.TN-18AO- 0627 आदिलाबाद कडे जात असताना, अचानक एक इसम रस्त्यावर आला आणि ट्रक त्याला धडकला.
धडक इतकी जोरदार होती की त्या व्यक्तीचा जागीच मृत्यू झाला. पोलिसांनी तात्काळ घटनास्थळी धाव घेतली आणि पंचनामा केला. मृतदेह शवविच्छेदनासाठी सरकारी रुग्णालयाचे कोरपणा येथे पाठवण्यात आला आहे.
मृत व्यक्तीची ओळख पटवण्याचे काम पोलीस करत आहेत. ट्रक चालकाला पोलिसांनी ताब्यात घेतले असून पुढील तपास सुरू आहे. या घटनेमुळे परिसरात शोककळा पसरली आहे.