🚨 अवैध दारू विक्री व वाहतूक करणाऱ्या दोघांना बेड्या! राज्य उत्पादन शुल्काची धडक कारवाई

🚨 अवैध दारू विक्री व वाहतूक करणाऱ्या दोघांना बेड्या! राज्य उत्पादन शुल्काची धडक कारवाई

कोरपना: अवैध दारू विक्री आणि वाहतूक करणाऱ्यांविरुद्ध राज्य उत्पादन शुल्क विभागाने (State Excise Department) कोरपना येथे धडक कारवाई करत दोघा आरोपींना अटक केली आहे. या कारवाईत मोठ्या प्रमाणात अवैध दारूसाठा आणि वाहतुकीसाठी वापरले जाणारे वाहन जप्त करण्यात आले आहे.

​​राज्य उत्पादन शुल्क विभागाच्या भरारी पथक यांना गडचांदूर येथून कोरपना कडे महामार्ग क्र. 353-B येथून अवैध दारूची वाहतूक होणार असल्याची गोपनीय माहिती मिळाली होती. या माहितीच्या आधारे, पथकाने कुसळ परिसरात सापळा रचला.

​संशयास्पद दोन व्हाईट स्कुटी थांबवून त्याची तपासणी केली असता, त्यामध्ये [देशी दारू चे १२ (बॉक्स) पेट्या आढळून आले. हा दारूसाठा विनापरवाना आणि अवैध मार्गाने कोरपना येथे विक्रीसाठी घेऊन जात असल्याचे निष्पन्न झाले.

जप्ती आणि आरोपी:

जप्त मुद्देमाल: या कारवाईत अंदाजे २,४८,०००/- रुपये किमतीची अवैध दारू आणि वाहतुकीचे वाहन असा मुद्देमाल जप्त करण्यात आला आहे.

अटक केलेले आरोपी: याप्रकरणी १) अर्जुन लखनसिंग चव्हाण आणि २) कुणाल सुधाकर मुठावार या दोन आरोपींना अटक करण्यात आली आहे.

गुन्हा दाखल: दोन्ही आरोपींविरुद्ध महाराष्ट्र दारूबंदी कायदा १९४९ च्या संबंधित कलमांखाली गुन्हा दाखल करण्यात आला आहे.

​ही कारवाई नितीन धार्मिक अधीक्षक, राज्य उत्पादन शुल्क चंद्रपूर यांच्या मार्गदर्शनाखाली दत्तात्रय पू. वरठी, दुय्यम निरीक्षक, सोमेश्वर गव्हारे, दुय्यम निरीक्षक, व कर्मचारी सुजित चिकाटे, श्रीमती. सुकेशनी कारेकर, संजयकुमार हरिणखेडे, संघम भगत यांनी यशस्वीरित्या पार पाडली. सदर कारवाईतील पुढील तपास दत्तात्रय वरठी व सोमेश्वर गवारे हे अधिकारी करीत आहे.